Naniniwala si Luna Salcedo sa kapalaran… hanggang sa matuklasan niya na ang lalaking pinag-alayan niya ng lahat ay may asawa na pala. Nagsinungaling ito sa kanya, nilinlang siya, at ginamit ang kanyang pangalan para sa kapangyarihan. Ang pagtataksil na iyon ay hindi lamang bumasag sa kanyang puso, kundi tuluyang nagbura ng anumang bakas ng paniniwala sa pag-ibig. Samantala, si Theo Cervantes, isang matagumpay na abogado, ay hindi naniniwala sa pag-ibig. Ang tanging pinagtitiwalaan niya ay ang kanyang anak na si Yna at ang mga kasunduang nagpapanatili ng kaayusan sa mundo.  Pero nang may isang estrangherang babae na biglang humawak sa kanyang pulso sa gitna ng isang restawran at iginiit na siya ang pakasalan, nagpasya siyang makisali sa laro… at dalhin ang panlilinlang nang higit pa sa inaasahan. Nag-alok siya ng isang kontrata - isang taon ng huwad na kasal.   Isang kasunduan iyon kung saan mababawi ni Luna ang kanyang karera at dangal, habang ibinibigay naman ni Theo sa kanyang anak ang isang mother figure sa katauhan ng babae, na matagal nang hinahanap ng anak. Ganunpaman, kailangang harapin ni Luna ang mas malalim na katotohanan - na ang kapalaran ay hindi laging dumarating sa anyong ninanais natin, kundi sa anyong lumilitaw kapag gumuho na ang lahat. At minsan, sa pagtigil natin sa paghahanap, saka lamang natin natatagpuan ang talagang nakalaan para sa atin. Hindi inaasahan ng dalawa na matagal nang pinili ni Yna si Luna bilang ina sa kanyang puso. At ang mga pader na itinayo ni Theo ay unti-unti nang bumabagsak, at ang taong ipinangako niyang hindi para sa kanya ay siya palang nag-iisang karapat-dapat na muling paniwalaan.