Si Anna, isang superstar na iniidolo, tinitingala ng lahat at may napakalawak na fanbase. Isang perpektong dalaga na kinababaliwan ng lahat. Ngunit sa likod ng camera bilang si Heavenly Anna Santiago, hindi perpekto, magulo ang buhay at nakakulong sa masakit na nakaraan. Sa likod ng kasikatan, naroon ang sakit na pilit niyang itinago sa loob ng maraming taon. Nakakulong nga lang ba siya sa nakaraan o may ibang hinahanap ang kanyang puso?At si Lance Cordero, may-ari ng L.C. Automotive, bastardo na may magulo at masakit na nakaraan. Pilit niyang ibinangon ang sarili niya at tinalikuran ang lahat maging ang sariling kaligayahan para sa sariling ambisyon. Pagkalipas ng maraming taon, nakuha niya ang lahat ng naisin sa buhay ngunit ang puso niya, nananatiling nakakulong sa masakit na nakaraan.Paano magagamot ang mga puso nilang winasak ng kasakiman ng iba? Matagpuan kaya nila ang hinahanap ng mga puso nila?