Ang Wedding Blossoms Inc. ang pinaka-importanteng bagay para kay Juvilyn sa buhay niya ngayon. Kaya naman ginagawa niya ang lahat para sa ika-u-unlad ng kumpanya na itinayo nila ng kaibigan niya. Mula pa kasi pagkabata ay pangarap iyon ni Juvilyn at hindi naging hadlang na matupad iyon kahit maraming dumaan na matitinding pagsubok sa buhay niya. Pero nagulo ang buhay niya ng biglang dumating si Rye Emman Villaluz at pinagbibintangan na siya ang may dahilan kaya iniwanan ito ng girlfriend nito. College palang ay kilala na niya ang lalaki. Kaya naman imbes na dating anyo nito na payat, may makakapal na salamin at baduy na pananamit ay nagulat siya ng magpakita ito sa harapan niya. Walang-wala na ang dating Rye na kilala niya. Sa madaling salita, napaka-gwapo, hunk at matinding s*x appeal ang mayroon kay Rye. Ang problema nga lang, gusto ni Rye na maghiganti sa ginawa niya laban dito. Pinaghiwalay kasi niya ito at ang kaibigan niya para sa isang plano na iniutos sa kanya. Kaya ipinangako sa kanya ng binata na gagawin nito ang lahat para lang magulo ang buhay niya. Hindi niya akalain na sa panahon na gumaganti ang binata sa kanya ay nahuhulog naman ang puso niya para dito. She was falling in love with him. Pero ang kapalit pala ng pagmamahal na iyon ay ang pagkabunyag ng lihim ng nakaraan.