Sabik si Calista sa pag-ibig ngunit mas sabik siya sa kaligtasan ng kanyang pamilya. Lumaki siya sa hirap, sanay lumaban sa buhay at gumawa ng paraan para mabuhay ang mga mahal niya.Kaya nang makapasok siya sa prestihiyosong Cole Empire, alam niyang ito na ang pagkakataong magbago ang kanyang kapalaran. Ngunit hindi niya inaasahan na ang pinakamalaking hamon niya ay hindi ang trabaho kundi ang lalaking nagmamay-ari ng kumpanyang iyon.Si Zavier ay isang bilyonaryong kilala sa malamig na puso, matalim na dila, at matigas na paninindigan. Para sa kanya, ang pag-ibig ay kahinaan, at ang mga tao ay may kanya-kanyang interes lamang.Ngunit dumating si Calista isang simpleng babae na may mapang-akit na ngiti, matapang na mga mata, at kakaibang tapang na hindi natitinag kahit sa harap ng galit ni Zavier.Sa bawat banggaan ng kanilang mga mundo, may init na unti-unting sumisiklab.Sa bawat titig, may lihim na pagnanasa na pilit nilang tinatago. At sa bawat paglapit ni Calista, parang may kamay na marahang humihimas sa matigas na pusong matagal nang nakasara.Ngunit paano kung ang babaeng nagpapainit sa kanyang malamig na mundo ay may sariling lihim?Sa pagitan ng ambisyon, tukso, at pagtataksil, mapipilitan si Calista pumili ang iligtas ang pamilya, o ang lalaking unti-unting sumisira sa kanyang mga depensa. At kung dumating ang sandaling bumigay ang lahat ng pader.Makakaya kaya ng isang babaeng sabik sa pag-ibig na tuluyang palambutin ang pusong hindi kailanman naniwala dito?O sila rin ang magiging dahilan ng isa’t isa upang tuluyang masira?