Rhazalyn Fuentebella, isang masayahing dalaga at palaban sa buhay, ay kabaligtaran ng kanyang kambal na si Zharalyn na sakitin, kaya naman lahat ng atensyon ng kanilang mga magulang ay ibinuhos dito Hindi siya naghanap ng pansin mula sa kanyang mga magulang; bagkus, ang kanyang kambal ang nagparamdam sa kanya ng pagmamahal na hinahangad niya. Ito ang naging kaagapay niya sa pagsuporta sa kanyang mga pangarap. Hanggang sa ipinakasal ang kanyang kambal sa isang lalaking hindi niya kilala. Habang tumatagal ang pagsasama ng dalawa, doon nalaman na may taning na pala ang buhay ni Zharalyn. Isang araw, habang nasa ospital, hiniling ni Zharalyn sa kanyang asawa na pakasalan ang kakambal niya sa loob ng ospital. Dahil sa kanyang malubhang kalagayan, pumayag ang lahat. Ngunit binawi ng langit ang buhay ng kanyang kambal. Si Rhazalyn ang sinisi ng lahat—maging ng asawa nito. May pag-asa pa bang maramdaman ni Rhazalyn ang pagmamahal na nais niya mula sa kanyang pamilya at sa lalaking itinuturing niyang asawa Paano niya ipagmamalaki sa lahat ang isang tao na hindi naman siya itinuturing na asawa? Ang asawang kanyang pinanghahawakan ay ang lalaking nagmamahal sa kanyang yumaong kambal. May halaga pa ba ang pag-ibig na sumisibol kung ipinamumukha sa iyo araw-araw na ang tunay niyang mahal ay ang iyong kapatid Hanggang kailan ka magdudusa sa kasalanang hindi mo naman ginawa? Hanggang kailan mo panghahawakan ang papel na nagbubuklod sa inyo bilang mag-asawa? May kaligayahan pa bang naghihintay sa isang tulad niyang uhaw sa pagmamahal?