Tahimik. Matalino. Mapanganib. Iyan si Rosana — isang babaeng namumuhay sa pagitan ng kasinungalingan at kadiliman. Sa araw, isa lamang siyang ordinaryong babae na nakatira kasama ang kaniyang madaldal at masayahing matalik na kaibigang si Tessa. Ngunit sa gabi, isa siyang lihim na ahente ng SIO na handang isugal ang buhay upang pabagsakin ang pinakamapanganib na kriminal sa bansa. Nang italaga siya sa isang undercover mission laban sa makapangyarihang gobernador ng Masbate, unti-unting nabubuksan ang mga sikretong hindi dapat natutuklasan — ilegal na droga, madugong kasunduan, at mga taong handang pumatay upang maitago ang katotohanan. Pero hindi lamang mga kriminal ang tinatakasan ni Rosana. Tuwing sasapit ang hatinggabi, may kakaibang nangyayari sa kaniya… isang lihim na apat na taon na niyang pilit ikinukubli. At nang mabanggit ni Tessa ang tungkol sa natitirang lahi ng mga aswang, nagsimulang mabuo ang isang nakakakilabot na tanong— Paano kung ang halimaw na hinahanap nila… ay nasa mismong tabi lang nila? Sa mundong puno ng kasinungalingan, dugo, at kadiliman, hanggang kailan maitataago ni Rosana ang kaniyang tunay na pagkatao?