BLURB: Isang babaing galit sa mga taong ganid sa yaman at kapangyarihan. Dahil sa mga ito ay naghirap ang kanilang pamilya. Nagpakamatay ang kaniyang ama at ang kaniyang ina naman ay naging kasambahay nang isang mayamang pamilya sa Maynila. Dati ay isang mayaman ang pamilya nila… marami silang negosyo sa iba’t ibang panig ng mundo at maraming ari-arian tulad ng lupa, rancho, at minahan sa Pilipinas. Ngunit sa kasamaang palad ay nawala lahat ang mga ito. Naging gahaman ang taong pinagkakatiwalaan ng kaniyang ama na akala nito ay isang tunay na kaibigan ang turing sa kanilang pamilya. Ngunit ginawa lang pala nito ang paglapit sa kaniyang ama upang makuha ang lahat ng kung anong meron sila… Inangkin lahat ng kalaban ng kaniyang ama ang kanilang mga negosyo at ari-arian dahil sa isang sugal na alam niyang ‘di maipapanalo ang kaniyang ama at siyang naging dahilan ng pagkawalay nito sa kanila. Ang dating marangya at buhay prinsesa ngayon ay naging tahimik at simpling pamumuhay na lang. Ngunit ‘di hadlang sa kaniya ang kahirapan. Dahil alam niya sa sarili niya na kaya niyang ipaglaban nang patas ang buhay sa kahit anong pag-subok o laban. Siya si Zahra Yness Monroe, isang fil-Am, half American and half Filipina… dahil isang purong Americano ang kaniyang ama at purong Filipina naman ang kaniyang ina. Siya ay may taglay na ganda, inosenting mukha at talino sa larangan ng kahit anong akademiya. Ngunit sa likod ng kaniyang maamong mukha ay may tinatago pala siyang tapang, pagkamuhi at paghihigante. At sa ‘di inaasahan ay nakilala ni Zahra si Raffaello Mattia De Luca. Isang gwapong bilyonaryo na kayang kumitil ng buhay ng tao. Anong gagawin ni Zahra kung mahulog ang loob niya sa lalaking bilyonaryo, na kung sa una pa lang ay kinakamuhian niya ito? At sa ‘di sinasadyang kapalaran… Ang taong gusto niyang pabagsakin ay siyang ama pala ng lalaking tinitibok ng kaniyang puso.