Mula sa putik, luha, at kawalan ng katarungan, isisilang ang isang bangungot na magpapabagsak sa mga naghari-harian sa karumal-dumal na pagpatay sa kanyang buhay Si Malia Agustin ay hindi na ang batang yagit na binabato ng balat ng saging at walang labang umiiyak sa gilid ng palengke. Labinlimang taon siyang nag-abang, nagtago sa likod ng perpektong mukha ng isang reyna sa elite academy, at nagpakabihasa sa dilim ng mga underground training facility binubuo ang sarili gamit ang bakal, pulbura, at matinding poot.Sa mundong pinamumunuan ng mga sakim at mayayaman, ang mga Montecillo na pumatay sa kanyang mga magulang ay nag-aakalang ligtas na sila sa kanilang mga marangyang mansyon. Ngunit hindi nila alam na ang inakala nilang mahinang batang kinuhaan ng magulang sa sagingan ay bumabalik ngayon bilang isang mapanganib na mandaragit. Taglay ang kapangyarihan ng Agustin Empire, isang baril sa kanyang beywang, at isang pusong kasinglamig ng yelo, sisimulan na ni Malia ang kanyang madugong paghihiganti.Walang pamilya, walang awa, at walang patawad sa larong ito, ang nag-iisang tagapagmana ng poot ay sisiguraduhing ang bawat patak ng dugong dumanak sa bukid noon ay sisingilin nya ng libu-libong buhay ngayon.